Здраво, Живо и Добро ни дојдовте
МаМаОргана е блог на кој преку совети, идеи и направи сам проекти ќе се обидеме да Ви ја вратиме страста кон природниот начин на живот.
Со секој пост, заеднички ќе се трудиме да научиме што е можно поприродни начини за функционирање во сите аспекти од живеењето.
Темите кои што ќе ги обработуваме ќе опфаќаат:
- исфрлање на хемијата од нашите животи,преку упатства за правење на природни средства за чистење и за лична хигиена;
- совети од алтернативната медицина, билни чаеви и лекови од природата и есенцијални масла;
- вежби за умот и телото;
- природни диети,детоксификација и совети за исхраната , како и направи сам проекти и совети за производство на сопствена храна;
- совети за будење на еко свеста и намалување на отпадот;
- идеи за рециклирање и ре-употреба на се што е можно, со цел намалување на потребата од купување и намалување на трошоците за живот.
Теми кои што општо го покриваат „одржливиот“ начин на живот и пермакултурата, поими кои што се веќе објаснети на блогот и за кои дополнително низ разни проекти, ќе учиме.
Ве охрабруваме да учествувате во дискусиите, за заеднички да се наобразуваме и при тоа си помагаме.
Ајде заедно да допринесеме за подобро утре, во мајчински модификувана околина.